Një deklaratë e Luiz Ejllit se ai vuan nga një tumor, që ka shokuar Kiara Titon dhe publikun, u sqarua të martën nga këngëtari se nuk ishte për veten e tij, por për shokun.

Kjo bëri që banorët të shpërthejnë ndaj Luizit dhe Kiara është distancuar tashmë prej këngëtarit, duke ia prerë shkurt “nuk ke më punë me mua se më gënjeve”.

Pas spektaklit, Efi ka kërkuar një shpjegim nga Luizi, duke e pyetur pse e ka rrëfyer në vetë të parë.

Ndërkohë nga ajo që thotë Luizi, duket se akuzon produksionin që i ka prerë rrëfimin në klipin e transmetuar, pasi biseda sipas tij nuk mbaron aty.

“E para që më vjen keq që doli në nominim Kiara prej meje, e dyta ma bënë gjyqin pa marrë vesh dhe versionin tim veç fut e bjer.
E treta duke qenë në maj, ia futa vetes.

Nëse e kanë marrë kështu le të dal. Fillova tu e fol në numrin njëjës se nuk doja ta nxirrja emrin e atij. Në fund duket që e kanë pre klipin ndaj më erdhi inat por nuk ia vlen me u përzi, se nuk mbaron ashtu ndaj mbeta keq por ma ndiu zemra dhe e mbyllën aty”, tha Luizi për Efin.

Ndërkohë gjatë spektaklit kur e mohoi deklaratën që ka bërë se nuk ishte për të, Luizi u shpreh: “Nuk kam frikë, por tani më vjen zor që njerëzit të më shohin mua me mëshirë, mua më kanë ardhur më kanë marrë analiza gjaku dhe e them me bindje po të kisha pas gjë më kishit thirr e nuk e kishit lënë për tani, por mesa duket jam mirë e uroj të vijoj të jem mirë. Sic e uroj dhe për atë por ndihem shumë keq që doli në këtë mënyrë.

Nuk është se kam ndonjë dhimbje apo shqetësim. Nuk jam as tipi që mëshirohem apo kërkoj, gjithçka e kisha menduar por vetëm këtë nuk e doja as me u qurravit. Me këtë rrugëtimi im mbaron këtu dhe këtë nuk ia fali vetes.

Pavarësisht te gjithave nuk doja këtë gjë. Mënyra si po e trajtoni po më bën me u duk unë këtu viktima”.