Një avion “EasyJet” u nis nga Milano për në Napoli, por iu desh të bënte një ulje emergjente në Bari pasi u godit nga rrufeja. Ekuipazhi dhe kapiteni i avionit u detyruan që të bënte ulje emergjente në aeroportin “Palese” në Bari. Momente paniku ishin ato që përjetuan 90 pasagjerët në bord, të cilët fatmirësisht nuk u lënduan. Rrufeja, megjithatë, rrezikoi vazhdimin e sigurt të fluturimit dhe për këtë arsye komandanti, në marrëveshje me kullat e kontrollit, vendosi të kthehej në drejtim të Barit për të tentuar një ulje emergjente.