Pas humbjes së parë në kampionat ndaj Napolit, një lajm tjetër i keq vjen në skuadrën e Milanit. Portieri Maignan u dëmtua ditën e djeshme në sfidën Francë-Austri. Ai u detyrua të largohej nga fusha në minutën e 46-të për t’i lënë vendin Areolas. Doktorët kanë diagnostikuar problemin e portierit francez dhe ka një problem në pulpën e këmbës së majtë. Trajneri i Francës Deschamps deklaroi pas fitores 2-0 ndaj Austrisë se Maignan do të rikthehet në Milano dhe nuk do të luajë në ndeshjen e radhës. Mike Maignan është një nga lojtarët kryesorë të Milanit dhe mungesa e tij do të sillte një problem kryesor tek trajneri Pioli.
