Piramida e Tiranës po merr formën e saj për tu shndërruar në qendrën më të madhe të teknologjisë në Ballkan. Kryeministri Edi Rama përmes një postimi në Facebook ka publikuar disa foto nga transformimi i Piramidës deri më tani.
“Mirëmëngjes
dhe nga Piramida e Tiranës, e cila po merr formë hap pas hapi, për tu shndërruar në qendrën më të madhe të teknologjisë digjitale në Ballkan, ju uroj një fundjavë të mbarë” shkruan Rama në postimin e tij.
Piramida do të shërbejë si një lloj inkubatori për bizneset në fushën e inovacionit, artit dhe kreativitetit. Programet që do të ofrohen janë: animacion, zhvillimi i lojërave, kinematografia, web design, muzikë, shkrim, vizatim, dizajn grafik, modelimi 3D, programim, robotikë, grafika e lëvizjes, fotografi dhe media.
