Pala greke ka vendosur të shtojë sportelet në pikën kufitare të Kakavijës pas radhës së gjatë të automjeteve të krijuar prej orëve të para të mëngjesit të sotëm.

Panorama.al mëson se tashmë pala greke po punon me procedurë të përshpejtuar për automjetet që pritet të hyjnë në tokën shqiptare.

Masat erdhën disa orë pas fluksit të lartë të automjeteve në kufi.

Mësohet se ka pasur edhe një takim dy palësh nga ana e drejtuesve të policisë kufitare të dy shteteve që është zhvilluar paraditen e sotme.