Kryeministri Edi Rama ka reaguar për zjarrin në ishullin e Sazanit duke thënë se është situatë që ndodh në shumë vende kur ka raste të zjarreve, ndërsa nuk ka asgjë për të thënë për shqiptarët që kërkojnë helikoptera e shkopa magjik dhe gjithmonë bëjnë vetëm llafe.”Sa për ata që nuk kanë sy të shohin çfarë ndodh njëkohësisht, sot që flasim, rrotull Athinës apo çfarë ndodh kudo tjetër në kushtet e zjarreve, nga Turqia e deri në Spanjë, po hidhen përpjetë duke kërkuar helikoptera me kova uji biblik e me shkopinj magjikë, nuk kemi asgjë për të thënë! Janë të njëjtët shqipo, që në tërë historinë e këtij vendi, kanë bërë fiks të njëjtën gjë, llafe, llafe, llafe…”, shkruan Rama.