Bluzat “crop” e gjejnë gjithmonë rrugën e tyre në ciklin e modës kur moti fillon të ngrohet. Në fillim ishin bluzat bust një nga tendencat më të mëdha të viteve ’90 dhe u kthyen në fund të viteve 2010 dhe madje edhe në vitin 2020. Më pas, u bë ‘bluzë rrip’ që tani është një pjesë thelbësore në gardërobë për pamjen perfekte të frymëzuar nga fillim vitet 2000. Edhe pse mund të duket si një rrip i vogël pëlhure, kjo bluzë është jashtëzakonisht në modë. Markat si Jacquemus, Skims dhe Prada e kanë kthyer të gjitha në trend.

Disa nga vajzat e njohura, si Kim Kardashian dhe Julia Fox, janë parë duke e veshur shpesh. Më poshtë keni disa mënyra për ta veshur një bluzë të tillë.

Xhins DIY

Keni një palë xhinse shumë të mëdha për t’u veshur? Kthejini ato në një kostum. Julia Fox ka veshur një komplet xhins të tillë, për një pamje perfekte të frymëzuar nga Y2K. Bluzat e vogla janë perfekte për t’u veshur me një palë xhinse të mira për një pamje seksi.

Kostum tuta

Kardashians kanë rikthyer modën e viteve 2000 me këtë set. Për ato ditë kur dëshironi të dukeni të kombinuara, por njëkohësisht komode, provoni këtë kombinim.

Me pantallona të gjera

Trendi i pantallonave të gjera u rikthye verën e kaluar. E njohur për stilin e saj të mrekullueshëm të rrugës, Bella Hadid ishte një adhuruese e trendit. Meqenëse edhe bluzat rrip janë përsëri në modë, janë perfekte për t’u veshur me pantallonat tuaja të gjera.

Me funde të gjatë

Fundet e gjatë janë fundet që duket se rikthehen gjithmonë. Edhe pse minifundet po preferohen shumë tani, nuk mund ta mohojmë që edhe ata të gjatë janë po aq në modë. Veshja e një bluze rrip me një fund të gjatë krijon pamjen perfekte gjatë verës. Mund ta vishni gjatë natës, ose të zgjidhni një fund të thjeshtë me sandale të sheshta gjatë ditës.

Bazike për përditshmëri

Bluzat rrip janë perfekte për të kombinuar çdo veshje. Vishini poshtë një xhakete, këmishe, ose poshtë një bluze të tejdukshme për më shumë mbulim. Ka shumë mënyra për të stiluar këtë bluzë të thjeshtë në përditshmëri.