14 shkurti, Dita e të Dashuruarve është festë për disa njerëz, por nuk është e tillë për disa të tjerë. Një pjesë e të dashuruarve janë kundër saj duke argumentuar se nuk mund të ketë një ditë fikse për dashurinë. Të tjerë e vlerësojnë shumë, e respektojnë dhe duan ta festojnë. Jo pak herë sjell edhe debate në çifte mënyra sesi secili e shikon këtë ditë.
E mira do të ishte ta dije që në fillim se ç`mendon partneri yt për këtë ditë. Thonë se shenja e horoskopit ndikon në mendimin rreth kësaj dite. Më poshtë gjen gjithë shpjegimet.
Binjakët: Është e vështirë të parashikosh se si ndihet një Binjak në ditën e Shën Valentinit. Ata janë shumë të adaptueshëm dhe mund të përshtaten shpejt me çdo skenar. Në ditën e Shën Valentinit, kurrë mos e nënvlerësoni atë që ata mund të shpresojnë. Ata janë të hapur për çdo gjë, duke përfshirë edhe anashkalimin e saj tërësisht. Ata janë thjesht të qetë për këtë çështje. Ata mund të mahniten nga një darkë luksoze ose të mos u interesojë kurrë kjo ditë. Është e kotë të spekulosh për ndjenjat e partnerit të Binjakëve për ditën e Shën Valentinit. E mira do ishte ta pyesni se ç`mendon sot, se vitin tjetër mund të mendojë diçka tjetër.
Dashi: Nevoja për aventura te Dashi është evidente dhe Dita e Shën Valentinit nuk përbën përjashtim. Një person i lindur nën këtë shenjë të zodiakut mund të mos jetë i hapur për pritshmëritë e tij për ditën e Shën Valentinit. Megjithatë, ata do të preferonin çdo gjë që do t’u ofronte diçka ndryshe. Dashi beson se surpriza është mënyra më fantastike për të festuar ditën e Shën Valentinit. Lërini tek koka kutinë në formë zemre dhe një letër dashurie. Këta njerëz preferojnë më shumë detaje të tilla, sesa dhuratat materiale.
Demi: Demi njihet si kokëfortë. Shumë njerëz habiten kur mësojnë se këta individë të palëkundur janë gjithashtu të ngrohtë dhe të sjellshëm. Ata nuk e kanë problem që një romancë e vogël të ndriçojë ditën nëse ajo nuk është e mbingarkuar me punë. Do jetë shumë dakord për ta festuar, me kusht që të mos jetë diçka e ekzagjeruar. Gjestet e mëdha romantike janë ok, por një marrëdhënie e qetë dhe intime është shumë më e mirë për ta. Dita e Shën Valentinit, sipas tyre, duhet të jetë për të kaluar kohë cilësore me partnerin dhe për të shijuar një takim romantik me të në privatësi.
Gaforrja: Kjo shenjë ekspresive dhe e dashur dëshiron të festojë privatisht, por jo tërësisht fshehur. Ajo që një Gaforre dëshiron për ditën e Shën Valentinit është arushi, tullumbacja me zemër, petalet e trëndafilit, dhurata surprizë, përkëdhelje, e kështu me radhë. Mos harro çokollatat. Nuk do ishte çudi që ai që e shpiku këtë ditë, të ketë qenë Gaforre.
Luani: Luani është lloji i personit që lulëzon kur është në qendër të vëmendjes. Dita e Shën Valentinit nuk bën përjashtim për të lindurit e kësaj shenje, të cilët nuk do të humbasin kurrë një mundësi për të shkëlqyer. Luanët njihen për besnikërinë dhe dashurinë e tyre dhe Dita e Shën Valentinit është një kohë që ata të shprehin dashurinë e tyre. Në vend që të presin që të dashurit e tyre t’i japin dhurata dhe vëmendje, ata kanë më shumë gjasa të organizojnë diçka romantike për ta. Dita e Shën Valentinit nuk është asgjë për ta nëse nuk përfshin një festë të madhe, një darkë me qirinj dhe një dhuratë edhe më ekstravagante. Atyre u pëlqen të përkëdhelen aq sa do të donin të bënin të njëjtën gjë në ditën e Shën Valentinit për partnerin e tyre.
Virgjëresha: Nëse nuk keni dëgjuar kurrë për një festë praktike të Shën Valentinit, atëherë është koha që të dini diçka për të. Nëse kaloni shumë kohë pranë Virgjëreshave, duhet të përshtateni me idenë e një Dite të Shën Valentinit praktik. Lulet dhe dhuratat nuk janë ajo që duan. Ata e dinë mirë se Dita e Shën Valentinit nuk është gjë tjetër veçse një marifet marketingu.
Akrepi: Pasioni është një term që ju vjen në mendje kur mendoni për ditën e Shën Valentinit për një Akrep. Dita e Shën Valentinit ka të bëjë me dashurinë dhe pasionin për ta. Ata do ta identifikojnë Ditën me poezitë e dashurisë, muzikën që e lidhin me njohjen dhe ndonjë letër të re ose të vjetër, por romantike.
Shigjetari: Ata preferojnë të kalojnë një kohë kuptimplotë dhe cilësore me të dashurit e tyre, si familja dhe miqtë, në ditën e Shën Valentinit. Nuk janë lloji që mendon se është dita e çifteve. E shikojnë si Ditën e Dashurisë.
Peshorja: Pa dyshim, shumica e njerëzve të lindur nën këtë shenjë janë perfeksionistë që kërkojnë ekuilibër në të gjitha aspektet e jetës së tyre. Peshoret janë njerëz pasionantë, prandaj Dita e Shën Valentinit është një marrëveshje e rëndësishme për ta, pavarësisht nëse e pranojnë apo jo. Ata besojnë se Dita e Shën Valentinit, si çdo gjë tjetër, duhet të jetë pa të meta. Një festë romantike me gjeste madhështore dhe një eksperiencë e paharrueshme është ajo që ata duan.
Bricjapi: Të lindurit e kësaj shenje janë praktikë dhe pragmatikë dhe vazhdimisht udhëhiqen nga racionaliteti. Sipas tyre, Dita e Shën Valentinit është një mundësi e shkëlqyer marketingu dhe sidomos për prodhuesit e arushave prej pelushi. Si rezultat, ata nuk do të jenë pjesë e festimeve. Ata do të ishin të lumtur në këtë ditë vetëm nëse mund t’i privonin firmat e marketingut nga fitimet e tyre.
Ujori: Të gjithë e dimë se Ujorët e kanë të vështirë të shprehin ndjenjat e tyre dhe preferojnë të kenë më shumë racionalitet sesa romance, çdo ditë të vitit. Nuk është se Ujorit nuk i pëlqen një shëtitje romantike herë pas here, por romanca e orkestruar teatrale nuk është ajo që duan. Nëse do të ishte në dorën e tyre, 14 shkurti do të ishte një ditë festimi me miqtë.
Peshqit: Peshqit kanë zemrën më bujare nga të gjitha shenjat e zodiakut, kështu që nuk është çudi që të jenë ndër të parët që e festojnë këtë ditë. E kanë shumë të rëndësishme të marrin dhe të japin. Ata mund të kalojnë ditë duke u përgatitur dhe duke fantazuar se si të përkujtojnë ditën e Shën Valentinit, edhe pse nuk do ta tregonin kurrë me zë për të tjerët.
