Vazhdon të shqetësojë Sergio Ramos në Francë. Mbrojtësi, nga momenti i transferimit te Paris Saint-Germain ka luajtur shumë pak dhe ka qenë i detyruar të ndalohet disa herë.
Prej kohësh diskutohet nëse zgjedhja e PSG-së për të marrë mbrojtësin spanjoll ka qenë ajo e duhura. Në lidhje me këtë ka folur edhe ish-lojtari i parisienëve Alain Roche, i cili ka thënë për Canal+:
“Nuk ka luajtur asnjë ndeshje të rëndësishme, asnjë në Champions League. Ishim të lumtur që e kishim në ekipin tonë, por është një bast i dështuar”.
Roche ka shtuar më pas:
“Ka dhënë shumë në karrierë, por trupi i tij nuk e ndjek më. Për mua sezoni i tij ka mbaruar këtu. Dhe fakti që luan dy ndeshje dhe më pas dëmtohet përsëri është shqetësues”.
