Greqia ka marrë vendimin se që nga sot personat e vaksinuar plotësisht do të munden të jenë më të lirë.
Komiteti i Ekspertëve të Ministrisë së Shëndetësisë ne Greqi, duke monitoruar de-përshkallëzimin e treguesve të fortë të pandemisë së virusit SARS-CoV-2 me një ulje të infektimeve të reja, të numrit total të pacientëve të shtruar në spital, të intubuar, por edhe të vdekjeve, rekomandoi heqjen e masave kufizuese lidhur me veprimtarinë e qytetarëve të vaksinuar plotësisht, me synim kthimin gradual të statusit para-koronavirus.
Masat e reja të relaksimit hyjnë në fuqi sot, por masat vlejnë për të pavaksinuarit. Maska e dyfishtë në supermarkete dhe transport publik mbetet e detyrueshme, por edhe përdorimi i maskës brenda dhe jashtë.
Masat e reja janë si më poshtë:
Heqja e ndalimit të qëndrimit në këmbë në bar, kafe e restorante
Rivendosja e ekskursioneve shkollore
Rritja e tifozëve në stadium në 50%
Zbatimi i punës në sektorin privat dhe publik në masën 20%.
Masat e pandemisë mund të jenë duke u lehtësuar tani, por shkencëtarët shohin se deri në verë një mutacion i ri do të na mundojë përsëri. Siç theksoi profesori i Pulmologjisë në Universitetin e Kretës, Nikos Tzanakis, një mutacion i ri i koronavirusit do të shfaqet brenda verës.
