Një lajm i trishtë vjen për një nga talentet e spektaklit muzikor “America’s Got Talent”. Skilyr Hicks është gjetur e vdekur në shtëpinë e një shoqeje të hënën, njoftojnë mediat amerikane.
Këngëtarja e cila u bë e njohur nga “America’s got Talent” ishte 23 vjeçe.
“Ajo do të vazhdojë të jetojë me anë të muzikës së saj”, tha nëna e saj për TMZ.
Ende nuk janë të qarta rrethanat në të cilat Hicks humbi jetën, por nëna e saj kishte pranuar se e bija vuante nga abuzimi me substancat dhe problemet e shëndetit mendor.
Hicks ka performuar në sezonin e 8-të të konkursit të njohur të talenteve në rrjetin NBC, në vitin 2013 kur ishte vetëm 14 vjeçe. Ajo kishte kaluar në raundin e dytë të spektaklit, por u eliminua para raundit të performancave live.
