Në astrologji, hëna e plotë është momenti më intensiv dhe kulmor i ciklit hënor 28-ditor. Edhe pse hëna e re shpesh cilësohet si një përvojë jo shumë e keqe, nuk do të thotë se efektet negative të saj nuk do të ndihen. Në fund të fundit, Hëna e re është momenti që hëna – sundimtari i unit tuaj të brendshëm – formon një lidhje me diellin – sundimtar i unit tuaj të jashtëm, duke ju mësuar se si duhet të silleni për realizimet e mëdha që pritet të vijnë më pas.

Por ja si do të ndikojë Hëna e re në Akrep pas Halloweenit në shenjën tuaj të Zodiakut:

Dashi

Mendoni për mënyrën se si po investoni kohën, paratë dhe energjinë tuaj. Mund të jetë koha për të shlyer borxhet, dhe për të zgjidhur problematikat që ju kanë penguar. Vendosni kufij që do t’ju lejojë të ruani atë që ju nevojitet dhe merrni parasysh angazhimin për diçka që mund t’ju sjellë përfitime afatgjata.

Demi

Ky është një fillim i ri për marrëdhëniet tuaja. Hiqni dorë nga modelet negative të marrëdhënieve dhe nga ato që ju pengojnë nga një dashuri e shëndetshme dhe frymëzuese.

Binjakët

Kjo hënë e re ka të bëjë me krijimin e një rutine që nxjerr më të mirën tek ju. Mendoni për të gjitha qëllimet, zakonet dhe projektet që dëshironi të kultivoni çdo ditë. Kjo nuk ka të bëjë domosdoshmërisht me vendosjen e një regjimi të rreptë, por me krijimin e një jete të përditshme që të përmbush dhe të frymëzon në çfarëdo mënyre që e sheh të arsyeshme.

Gaforrja

Mendoni për të gjitha projektet krijuese për të cilat ëndërroni dhe të gjitha aktivitetet argëtuese që dëshironi të bëni. Kjo hënë e re ka të bëjë me zbërthimin e asaj që ju pengon të bëni të gjitha ato gjëra. Lëshoni anën tuaj artistike që të shohë e gjithë bota, sepse ju meritoni të shpreheni dhe të të duan për të.

Luani

Kjo hënë e re po ju ndihmon të rilidheni me zemrën tuaj. Hidhni dashurinë dhe energjinë tuaj në kultivimin e një hapësire të shenjtë që mund ta quani tuajën. Ndërtoni ndjenjën e përkatësisë që meritoni dhe kaloni kohë me njerëzit që e dinë se kush jeni dhe nga vini.

Virgjëresha

Nëse keni diçka për të thënë, tani është koha për të kuptuar mënyrën se si ta shprehni. Hiqni dorë nga ajo që ju pengon të përdorni fuqinë e zërit tuaj në mënyrë që të mund të lëshoni ide të shkëlqyera. Përqafoni dhënien dhe marrjen që vjen me procesin e komunikimit, sepse po krijoni lidhje të reja dhe po mësoni gjëra të reja.

Peshorja

Kjo hënë e re do t’ju ndihmojë të rizbuloni atë që ju nevojitet në mënyrë që të ndiheni të qëndrueshëm. Të gjithë kanë nevojë për një bazament ku të mbështeten, sepse ajo u jep atyre një ndjenjë sigurie dhe besim te vetja. Punoni në krijimin e një themeli që është mjaft i fortë për të mbështetur çdo gjë që dëshironi të krijoni në të ardhmen.

Akrepi

Ju jeni duke përqafuar veten tuaj shumëdimensionale. Akrepi është shenja e zodiakut të transformimit, që do të thotë se çdo përvojë e vështirë ju lejon të rriteni në mënyrë eksponenciale. Përqafoni mënyrën se si dështimet tuaja ju kanë mësuar kaq shumë. Përqafoni mundësinë e dështimit përsëri dhe përsëri derisa të fillojë të ndjehet si sukses.

Shigjetari

Ju mund të ndiheni disi të larguar nga rrethi juaj shoqëror, sikur fuqia e imagjinatës tuaj po ju largon nga bota e ngarkuar dhe e orientuar nga interneti. Përqafojeni këtë shkëputje, sepse nuk jeni vërtet të shkëputur. Ju jeni plotësisht në harmoni me spiritualitetin tuaj, duke e bërë këtë një hënë të re të përqendruar në shërimin e thellë të brendshëm.

Bricjapi

Jepini vetes leje të imagjinoni universin në të cilin do të dëshironit të jetonit. Përdorni të gjitha mënyrat se si mund ta shfaqni fjalë për fjalë atë univers në realitet. Sidoqoftë, gjithçka fillon me komunitetin tuaj, kështu që lidheni me individë me mendje të njëjtë që duan të bëjnë një ndryshim në botë.

Ujori

Kjo hënë e re po ju ndihmon të rilidhni me ambiciet tuaja dhe të riformuloni qëllimet tuaja të karrierës. Ju projektoni një energji në botë, duke i lënë punëdhënësit, ndjekësit dhe kolegët e mundshëm të dinë se ku qëndrojnë aftësitë tuaja. Merrni kontrollin e asaj narrative dhe kujtojuni të gjithëve, përfshirë dhe vetes, atë që jeni në gjendje të arrini.

Peshqit

Ju doni aventura, përvojë dhe mençuri gjatë rrugëtimit tuaj. Kjo hënë e re do t’ju sigurojë të treja, për sa kohë që jeni të gatshëm të përqafoni një mendje të hapur dhe të ndërmerrni një hap për ndërhyrje spontane që mund t’ju shqetësojnë në fillim, por do ju paraqesin shumë potencial në planin afatgjatë.