Nëse besoni tek astrologjia, me siguri lexoni gjithçka për shenjat dhe kombinimet e tyre në raportin e dashurisë.
Por çfarë ndodh me planetet? Astrologjia sugjeron që planeti sundues i çdo shenje të horoskopit ndikon tek një person me tipare të caktuara të personalitetit dhe krijon një lidhje kozmike me shenjën tjetër duke shkaktuar ndikimin e madh planetar. Në thelb, çdo shenjë ka një kombinim perfekt planetar në aspektin e dashurisë. E nëse po kërkoni për një romancë, hidhuni një sy kombinimeve ideale.
-Binjakët me Virgjëreshën: Planeti Mërkur
Mërkuri është një planet me lëvizje të shpejtë dhe për këtë arsye lidhet me udhëtimin, shpejtësinë, komunikimin dhe tregtinë. Kjo i bën Binjakët dhe Virgjëreshën të duan më shumë të qëndrojnë pranë, me shumë gjëra për të thënë, një interes të madh për thashethemet dhe lajmet si dhe një dashuri për udhëtimet dhe eksplorimin.
-Demi dhe Peshorja- Të dy sundohen nga planeti Afërdita. Venusi ose Afërdita shpesh quhet ‘planeti motër’ i Tokës sepse është aq afër në madhësi, masë dhe dendësi. Si sundimtar i zodiakut qëndron mbi dashurinë, paratë, kënaqësinë dhe tërheqjen, të cilat e bëjnë Peshoren dhe Demin shenja jashtëzakonisht romantike dhe seksi. Ata kanë oreks të ngjashëm për seks, romancë, intimitet, kënaqësi dhe shpenzime.
-Dashi dhe Akrepi- Të dy sundohen nga planeti Mars. Marsi është planeti i kuq i zjarrtë i ambicies, pasionit, luftës dhe seksit. Tema të mëdha, ndikime të forta, nxitje të fuqishme. Edhe Akrepi edhe Dashi janë forca që duhen llogaritur, dhe të dy janë personazhe jashtëzakonisht të fortë dhe dinamikë. Ndikimi në Mars i bën ata një ekip të frikshëm ndërsa shijet e tyre janë të ngjashme. Ky është çifti më i fuqishëm i zodiakut. Por nëse ndodh të dahen, bëhuni gati për luftë.
-Shigjetari dhe Peshqit- Të dy sundohen nga planeti Jupiter. nJupiteri është planeti gazmor, i lumtur, i fatit, pasurisë dhe suksesit. Si Shigjetari ashtu edhe Peshqit kanë pikëpamje optimiste për jetën. Për këtë arsye, ata shkojnë mirë së bashku, dhe krijojnë një çift të bukur, të lumtur dhe pozitiv.
-Luani dhe Gaforrja- Sundohen respektivisht nga Dielli dhe Hëna. Edhe pse Luani dhe Gaforrja nuk ndajnë të njëjtin planet, Dielli dhe Hëna kanë një lidhje të fortë kozmike e cila i tërheq këto dy shenja për të qenë së bashku. Sundimtari Diell tek Luani i bën ata të sigurt, të uritur për vëmendje dhe të energjizuar. Sundimtari Hënë tek Gaforrja i bën ata të fshehtë, të dashur për shtëpinë dhe plot energji. Kur këta të dy bëhen bashkë përshtaten më së miri. Asnjë moment i shpenzuar kot. Edhe pse shumë dramë. Të dyja shenjat kanë oreks të madh seksual.
-Ujori dhe Bricjapi- sundohen nga dy planetë të jashtëm, respektivisht nga Urani dhe Saturni. Ujori dhe Bricjapi nuk kanë një planet, por planetët e tyre sundues janë të dy planetë të jashtëm, një rrugë e gjatë nga Dielli dhe Toka, pra orbita që lëvizin ngadalë. Ajo që do të thotë është se këto shenja funksionojnë duke menduar për çështje madhore. Ata planifikojnë të ardhmen dhe kanë kuriozitet për atë që po ndodh përtej oborrit të shtëpisë së tyre. Kanë durim të madh. Një tjetër çift i fuqishëm i zodiakut, si dy super heronj që veprojnë për të njëjtin qëllim
