Sot është dita e tretë e vaksinimit të hapur dhe duket se ka një rritje të interesimit nga personat që duan të vaksinohen.
Të rinj dhe jo vetëm i janë drejtuar qendrave të vaksinimit, ndërsa prej fillimit të vaksinimit janë kryer në total 1,082,424 doza të vaksinës ndaj COVID19.
Prej tyre 472,886 qytetarë i kanë marrë të dyja dozat e vaksinës antiCOVID. Vaksinimi masiv vijon edhe nëpërmjet njësive të lëvizshme në komunitet, krahas vaksinimit në pikat e përqendruara të vaksinimit dhe në qendrat shëndetësore kudo në vend.
Java e vaksinimit të hapur për qytetarët +18 vjeç vijon deri të dielën, nga ora 08:00 e mëngjesit deri në 8 të mbrëmjes, për të kryer pa kufizim vaksinën anticovid.
