Pas shumë sukseseve te Barcelona, Lionel Messi më në fund arriti të fitonte një trofe edhe me Kombëtaren e Argjentinës. Skuadra bardhekaltër mundi 1-0 Brazilin në finalen e Kupës së Amerikës, falë një goli në mes të pjesës së parë nga Angel di Maria.
Argjentina siguroi kështu trofeun amerikano-jugor për herë të 15, por ishte hera e parë që kur Messi është pjesë e skuadrës.
Sulmuesi i Barcelonës e mbylli turneun si golashënuesi më i mirë, me 4 gola, bashkë me Neymar, dhe të dy u shpallën edhe lojtarët më të mirë të turneut.
