Sabri Fejzullahu dhe Labinot Tahiri janë dy ndër emrat më të përfolur të botës së muzikës dhe veprimet e tyre nuk kalojnë pa u vënë re nga sytë e publikut. Mesa duket komentet në rrjetet sociale janë bërë shkak për një “sherr” mes këngëtarëve. E gjitha nisi kur Labi publikoi një foto të tij në Instagram, ku i erdhi një koment nga faqja e Sabri Fejzullahut, ku shkruhej vetëm “hahahahaha”.

Pas këtij komenti, i menjëhershëm ka qenë reagimi i Labit, i cili i është përgjigjur: “Cfarë ka për të qeshur këtu se po qesh në çdo postim timin? Më thuaj të qeshi edhe unë?”

Akoma nuk bëhet e ditur nëse është ky një gabim nga ana e Sabriut, i cili e ka fshirë menjëherë komentin. Sabri Fejzullahu i takon gjeneratës së vjetër të këngëtarëve i cili ka arritur që edhe në kohën e re të zë vendin e vet në muzikë. Ai ka bashkëpunuar gjithmonë me kompozitorët më të mirë të vendit. Ai gjithashtu ka luajtur në disa televizione dhe video-filma.