Vendimi i Komitetit Teknik të Ekspertëve për ndalimin e grumbullimeve parashikon një periudhë kohe deri më 25 mars. Vendimi është botuar në Fletoren Zyrtare. Megjithatë kjo nuk do të thotë se pas 25 marsit, grumbullimet do të lejohen. Gjithçka varet nga vijimi i pandemisë në vend. Ndonëse shifrat e infektimeve dhe numrat në spitale janë në rënie, lufta me virusin e rrezikshëm duket të jetë ende e gjatë. Megjithatë shpresa për përshpejtimin e fitores mbetet te vaksina.
