Vaksina AstraZeneca është efikase dhe e sigurtë për t’u injektuar tek të gjithë personat mbi 18 vjeç. Vec organizmave zyrtare shendetësore europiane edhe ekspertët e vaksinimit në Shqipëri sigurojnë se AstraZeneca është e provuar klinikisht se nuk krijon asnjë problem shëndetësor.

“Është një vaksinë tepër efektive. Janë kryer vlerësime ehe në botën reale si në Angli edhe në Skoci, të cilat kanë treguar efikasitetin dhe sigurinë e vaksinës pas provave klinike”. Pas mësuesve, AstraZeneca do të injektohet dhe tek të moshuarit. Bino hedh poshtë aludimet se vaksina shërben vetëm për grupmosha të caktuara.

Provat klinike treguan që kjo vaksinë është efikase edhe në grupmoshën mbi 55 vjeç. Kjo është arsyeja pse Komiteti i Ekspertëve në Gjermani, Itali dhe në Francë e kthyen vendimin e tyre dhe vaksina rekomandohet 18 vjeç e lart”. Edhe kreu i qeverisë Edi Rama teksa ndoqi nga afër procesin e vaksinimit të mësuesve në Lezhë siguroi se vaksina nuk ka asnjë problem.

Ndryshe nga vaksina Pfizer, që kërkon kushte të veçanta të ruajtjes se saj, AstraZeneca mbahet në temperaturë plus 2, plus 8. Që prej nisjes se procesit të vaksinimit, 3 mjekë janë infektuar në javën e parë pas injektimit të vaksinës, këto raste Bino thotë se mund të shtyjnë dozën e dytë të vaksinës pasi kanë imunitet mjaftueshëm.