Me perëndimin e diellit në horizont dhe pa dyndjet e njerëzve, peshkatarët në Golem të Kavajës, kanë gjetur kohën e duhur për të hedhur rrjetat e tyre. Dy persona shihen në një varkë të vogël, ndërsa një tjetër ndodhet në det për ta lehtësuar akoma dhe më shumë këtë proces. Përpos kësaj tabloje, ajo që bie në sy është sinkronia e krijuar nëpërmjet perëndimit të diellit, detit të kaltër dhe peshkatarëve.
