Ambasadorja e Shteteve të Bashkuara të Amerikës, Yuri Kim, ambasadori i BE-së, Luigi Soreca dhe ambasadori i Britanisë, Duncan Norman kanë mbërritur në selinë e Partisë Demokratike, për të nisur një takim me kreun e opozitës Lulzim Basha.

Ky takim vjen një ditë pas dështimit të palëve politike për të bërë një marrëveshje për miratimin e Reformës Zgjedhore brenda afatit të paravendosur (31 maj).

Kujtojmë se ishte vetë kreu i PD-së, Lulzim Basha ai i cili më 26 maj u zotua para Yuri Kim se Reforma Zgjedhore përfundon më 31 maj por kjo e fundit pranoi se ky nuk është kusht i ndërkombëtarëve por i palëve.

Ndërkohë sot ambasadorja e SHBA-ve, Yuri Kim dhe ambasadori i BE-së Soreca kanë pranuar se palët janë afër një marrëveshje dhe duhet ta përfundojnë atë duke shmangur kërkesat e kushtet e reja.