Fitoi luftën me koronavirusin, Rama publikon dëshminë e nënë Ëngjëllushes

Kryeministri Edi Rama ka publikuar në llogarinë e tij të “Facebook” mesazhin e nënë Ëngjëllushes e cila fitoi betejën e me COVID-19. Ëngjëllushja tregon simptomat që pati, përkujdesin e mjekëve si edhe shërimin nga kjo pandemi që ka prekur thuajse gjithë botën.Rama jep edhe një mesazh përmes kësaj video-je për të gjithë ata që e cilësojnë COVID-19 si një “shpikje” apo virus që nuk kap cilindo.

Postimi i plotë:

? JU LUTEM SHIKOJENI KËTË NËNË SHQIPTARE. Nënë Engjëllushja, mund të ishte nëna e secilit prej nesh, e cila u kthye në jetë pasi pa vdekjen me sy në gjendjen e rëndë ku e futi Armiku i Padukshëm!Prandaj ju lutem ta shohin e ta dëgjojnë, në radhë të parë ata këtu, që thonë virusi nuk ekziston dhe kërkojnë liri për t’u infektuar e për të infektuar, largqoftë, nënat e baballarët e tyre!

Në radhë të dytë, ta dëgjojnë ata që akoma nuk mësuan të respektojnë mjekët, infermierët dhe sistemin shëndetësor të transformuar rrënjësisht, e që nuk duan ta kuptojnë se mosozot po të kishte ardhur kjo flamë para ca vjetësh, këtu do ishte bërë kasaphanë.Pastaj ta shohin e ta dëgjojnë këtë nënë edhe gjithë të tjerët dhe ta mbledhim mendjen top të dashur miq, se kjo nuk është lojë dhe për ta fituar deri në fund këtë luftë, duhet të bëhemi secili prej nesh roje e shëndetit tonë e të atyre që kemi përrreth?. (Lexo.al)