Tottenham u eliminua nga Norwichi në shtëpi në kompeticionin FA Cup duke prodhuar një nga surprizat më të mëdha në futbollin anglez.Njeriu që rezultoi vendimtar për ekipin e “kanarinave” rezultoi portieri Tim Krul. Holandezi vërtetoi mbrëmjen e djeshme në ndeshjen ndaj Tottenham se është një nga pritësit më të mirë në botë të penalltive.

31 vjeçari arriti pres dy penallti dhe t’i sigurojë fitoren Norëichit ndaj Tottenhamit në raundin e pestë të FA Cup.Mirëpo ajo që ra më shumë në sy ishte veprimi i bërë nga Krul. Ai kishte shkruar në shishen e ujit emrat e lojtarëve të ekipit kundërshtar dhe anën në të cilën ata godasin penalltitë. Një veprim gjenial i cili në fund rezultoi i suksesshëm nga Krul.