Xhaçka: Mjekët me uniformë, pranë komuniteteve në nevojë – Lexo.al

Xhaçka: Mjekët me uniformë, pranë komuniteteve në nevojë

Ministrja e Mbrojtjes, Olta Xhacka, deklaroi sot se mjeket dhe infermierët në uniformë prej dy ditësh po kryejnë vizita mjekësorë në fshatin Bicaj të Kukësit dhe do të vijojnë në të gjitha zonat e thella për t’ju ardhur në ndihmë qendrave shëndetësore për të qenë pranë femijeve dhe të moshuarve të zonës.

Në statusin e saj social Facebook, ministrja Xhacka  shprehet: “Pranë komunitetit, aty ku më shumë lypset nevoja. Mjekët dhe infermierët në uniformë prej dy ditësh po kryejnë vizita mjekësorë në fshatin Bicaj të Kukësit”.

“Do të vijojmë në të gjitha zonat e thella, për t’i ardhur në ndihmë stafeve mjekësorë në qendra shëndetësore, por mbi të gjitha, për të qenë pranë fëmijëvë, të moshuarave, grave e burrave në këto zona”, shkruan Xhacka, duke sjell foto të vizitave të mjekëve në fshatin Bicaj të Kukësit.