Ja si shokoi diva Greke: “Jam Shqiptare!” – Lexo.al

Ja si shokoi diva Greke: “Jam Shqiptare!”

E kush nuk është dashuruar me Penelopën e bukur greke. Me atë fytyrë të gdhendur mesdhetare që për besnikërinë ndaj dashurisë së saj thurte e çthurte pëlhura për 20 vjet me rradhë. Sepse e tillë është dashuria. Ajo i mbijetoi viteve me forcën e saj. Dhe nëse letërsia greke na ka sjellë imazhe femrash si Helena që shkaktoi një luftë për dashurinë, historia e Penelopës na ka magjepsur me besnikërinë e saj. E interpretuar prej një prej artisteve më të njohura greke, një legjende me emrin Irene Papa

Kjo figurë e bukur femërore, e fortë, me ato sytë e thellë që tregojnë vuajtje dhe bukuri njerëzore është gdhendur thellë në memorien e çdo njeriu që njohu moralin e jetës nëpërmjet kinemasë. Që njohu madhështinë dhe pastërtinë e një dashurie në një film epokal siç është Odiseu.

Dhe një rol i interpretuar me madhështi mbetet në jetë të jetëve dhe kthehet në mit. E tillë është dhe Irene Papas.

Deklaratat e saj të fundit, të kësaj diveje të madhe dhe të papërsëritshme të kinemasë që me karrierën e saj u kthye në një legjendë botërore me të vërtet të bëjnë përshtypje. “Nuk mund të largohem nga kjo botë e të mos them të vërtetën se unë jam shqiptare”, citohet të ketë deklaruar vet diva e kinemasë botërore.

Image

Emri i saj i vërtetë është Irene Leleku dhe se origjina e babait të saj ishte shqiptare. “Nëna ime ishte nga Epiri dhe babai nga Shqipëria. Ai ishte një mësues letërsie dhe urrente priftërinjtë”, ka deklaruar diva në biografinë e saj në enciklopedinë e njohur të artistëve në intrnet i ashtu quajtur IDM.

Një deklaratë që ka shokuar me të vërtetë gjithë Greqinë kuptohet botën e tyre nacionaliste, sepse ajo është një nga heroinat më të mëdha të kinemasë greke. Një figur artistike me të vërtet për tu mburrur gjithëkushi .

Ajo është një idhull i kombit grek, por që vërteton dhe më shumë bindjen se shqiptarët në Greqi janë me të vërtet një faktor i rëndësishëm dhe kanë kontribuar në të gjitha fushat e jetës së atij vendi .

Faktin që ajo është arvanitase (pra e perkthyer do të thotë SHQIPTARE) e konfirmojnë dhe historianët e rëndësishëm të fushës së këtyre studimeve ballkanike.

Irene Papas ishte ajo që arriti të realizonte një karrierë brilante.

Ajo ka lindur në 3 shtator 1926 dhe ka luajtur në 70 filma me një karrierë që ka zgjatur më shumë se mbi pesë dekada.

Në biografinë e saj shkruhet se emri i saj i fëmijërisë është Irene Leleku dhe ka lindur në Korinthi, në Greqi dhe babai i saj ka qenë mësues i dramës klasike.

Image
Me një bukuri të pashoqe, me atë portretin e saj të gdhendur si prej dive natyrore, ajo do binte në sy të Elia Kazan duke arritur menjëherë famë në Greqi dhe më pas do të zgjidhej si protagoniste në filmat “The Guns Navarone” (1961) dhe “Zorba Greke” (1964), por dhe në filmat e mëdha që u shkruan mbi historitë e famshme greke.

Kështu ajo do luante në filmat “Helen The Women Troje” (1971) së bashku me aktoren e njohur Katharine Hepburn, Clytemnestra në Ifigjenia (1977), dhe pjesët “Eponymous në Antigone” (1961) dhe “Electra” (1962). Papas gjithashtu, u paraqit si Katerina e Aragonit në filmin “Anne of the Thousand Days”, përballë Richard Burton dhe Geneviève Bujold.

Në vitin 1976, ajo luajti në filmin “Mohammad, i Dërguari i Zotit” (e njohur si Mesazhi) në lidhje me origjinën e Islamit dhe mesazhin e Muhammedit.

Duke qenë se karrierën e saj e filloi si këngëtare në vitin 1978, Papas, ka bashkëpunuar me kompozitorin Vangelis, në një interpretim elektronik, të tetë këngëve greke popullore, lëshuar si një rekord të quajtur “Odes”. Ata bashkëpunuan edhe një herë më pas në vitin 1986 për “Rapsodies”, një interpretim elektronik i shtatë himneve bizantine liturgjike.

Në vitin 1982, ajo u shfaq në film “Luani i Shkretëtirës”, së bashku me aktorin e madh Anthony Quinn. Por roli më i madh dhe më i famshëm i tij mbetet ajo e “Odiseut” ku interpretoi përkrah aktorit të njohur shqiptar Bekim Fehmiu.

Me gjithë karrierën e gjatë dhe famën e madhe që fitoi në të gjithë botën, Irene, asnjëherë nuk fitoi çmimin e lakmuar Oscar, gjë për të cilën ajo shprehet e zhgënjyer.

Aqsa thuhet se bindjet e saj ishin komuniste dhe ajo ka qenë anëtare e Partisë Komuniste greke, dhe një mike e zjarrtë e kryeministrit Papandreu, thuhet se edhe ndikuan jo pak  në famën e saj – për të marr edhe ajo ndonjë Oskar… !

Irene do të mbahet mend në historinë e Greqisë, jo vetëm për rolet e saj të skalitura në kinematografinë greke dhe atë botërore , por mbi të gjitha dhe për interpretimet e saj të muzikës greke, ku më e famshmja – është  kërcimi i saj të “tangos greke” valles dyshe tradiconale greke “Zorba” .

Për sa i përket jetës private , thuhet se ajo ishte gruaja e Alkisa Papasit dhe thuhet se jeton aktualisht në Itali. Aktorja është përfolur vazhdimisht dhe për lidhje të saj dashurore pra jasht martesore dhe njera prej tyre ishte ajo me aktorin e madh Marlon Brando.

(Materialet iu referuan të dhënave të publikuara nga Google.com Wikpedia dhe u përgatitën nga Beqir Sina, New York)